P36M ginpain nga pondo sang siudad kag DepEd para sa pagkaayo sang naguba nga mga eskwelahan sa Bacolod.
Antes pa man sang Covid-19 pandemic kag sang pagpanghalit sang Bagyo Odette sang 2021 may pila na ka mga eskwelahan sa Bacolod nga nagakinahanglan sang repair.
Nalakip na diri ang mga eskwelahan nga gingamit sang siudad bilang isolation centers.
Suno kay Bacolod DepEd Administrative Officer Lila Aro, may napain na nga P6M ang ahensya para magamit sa pagpakaayo sang mga public schools sini nga tuig nalakip diri ang Barangay Estefania Elementary School, Isla Elementary School sa Barangay Villamonte kag Banago Elementary school.
Si Mayor Albee Benitez nagsiling nga magapain man ang siudad sang dugang nga P30M para sa pagpakaayo sang mga eskwelahan sa madasun nga tuig.
Nalakip man sa luyag matagaan solusyon sang alklade ang mga may diperensya nga linya sang kuryente sa mga buluthuan.