
Patay ang isa ka tricycle driver matapos makabunggo sa nasugata nga truck sa Sitio Puting Bato, Brgy. Daga siudad sang Cadiz, Martes sang gab-i.
Ang biktima ginkilala sa kay Rogelio Ore, Jr. kag residente sang Brgy. Bonifacio siudad sang Cadiz samtang ang driver sang truck ang ginkilala sa kay Rolando Sapa.
Suno sa PNP, gikan sa city proper ang tricycle kag padulong sa sur nga direksyon samtang ang truck ang gikan sa sur kag ini ang padulong norte.
Gina alegar nga naglapaw ang tricycle sa lane sang truck. Nagtinghua pa ang driver sang truck nga likawan ang tricycle pero nalab-ot ini kag nagdiretso sa higad sang dalan.
Ginhingagaw dala ang driver sang tricycle sa ospital apang gindeklarar nga dead on arrival bangud sa seryoso nga pilas nga naagum samtang ang mga sakay sang truck ang nakaagum sang minor injuries.
Suno sa PNP may posible nga pag-aregluhanay sa tunga sang biktima kag sa driver sang truck.