P30M solar farm project sa Brgy. Granada igaduso ni Mayor Albee Benitez sa konseho.
Interesado ang Vivant Energy Corporation nga mag-lease sang 70 ektariya sang duta nga nabakal sang siudad sa Barangay Granada.
Ginpahayag ni Mayor Albee nga paagi sa ginaplano nga lease agreement nga nagalab-ot sa P30M, sarang na mabayaran sang siudad ang interes sang nautang nga P4.4B sa banko.
Gani igaduso niya ini sa konseho sa tuyo man nga mas mapasiguro pa ang power supply kag mabuligan ang mga electric jeepney drivers kag operators sa palaabuton.
Sa 70 ektariya nga solar power farm sarang ma-generate ang dugang nga 70 megawatts nga supply.
Ang duta ang kabahin lang sang 75 ektarya kun diin ginaplano itukod ang bag-o nga public cemetery, BJMP facility kag ang pinakadako nga animal shelter sa pungsod.