Abang Lingkod Partylist kag Uswag Ilonggo Partylist ang duha sa 34 ka mga partylist organization nga natalana mag baton sang notice gikan sa Commission on Elections may kaangtanan sa pagsupak sa campaign rules.
Ginsiling ni COMELEC Chairperson, George Erwin Garcia sang Miyerkules nga maga pa gwa sang notice ang ila talatapn sa 34 tanan ka mga partylist organization.
Suno sa COMELEC ini sila ang may sala sa size sa campaign materials, indi man environment friendly kag napahamtang sa sala nga mga lugar.
Ginsiling ni Board Member Manuel Frederick Ko ang first nominee sang Abang Lingkod Partylist nga wala pa sang notice nga nabaton ang iya nga talatapan.
Mas maayo kun ma identify ang lugar agudto ila man nga makakas ang ini nga mga campaign materials.
Sa iya nga bahin suno kay Ko wala man sila nakapamutang sa mga gina dumilian nga lugar, kun may yara man basi ini ang gikan sa ila nga mga supporters nga mahimo man nagsunod lang sa iban.
“Pag gin-identify ang mga posters nga ginahambal nila nga illegal ina, nga kami ang nag takod, personally ako ang nagtakod, kuhaon ko na. Kun ma identify lang nila kun diin na siya nayon”, suno kay Ko.
Suno kay Negros Occidental Provincial Elections Supervisor, Ian Lee Ananoria, ang mga Election Officers nga nag patigayon sang Operation Baklas ang gina require mag obra sang report kag mag send sang notices sa mga may pagsupak.
Kun ang kandidato maka baton sang notice suno kay Ananoria dapat sabton nila ang natungdan nga notice kag may tatlo sila ka adlaw sa pag kakas sang natungdan nga campaign materials.
Ang kapaslawan nila sa pagbuhat sini sarang nga mangin basehan sa pag file sang Election Officer sang disqualification case batuk sa ila.
“Kun indi nila ma remove then that’s the time ma file kami complaint, wherein ang Election Officer mismo ang complainant. They have to reply. May mga Election Officers nga nagpadala, pero I am not at liberty man nga mag hambal kun sin-o kay wala ko pa na consolidate”, suno kay Ananoria.