Shadow

P300M nga budget para sa 2022 kinahanglan sang Bacolod para sa kampanya kontra COVID-19

P300 million nga 2022 proposed annual budget ginahinyo sang City Health Office nga maaprobahan agud mapabaskog ang kampanya kontra Covid-19 sa Bacolod.

Halos 25 percent ang ginsaka sang P3.25 billion pesos nga 2022 proposed annual budget sang siudad kun ikumparar sa 2.6 billion pesos nga budget sang 2021.

Kabahin diri ang P300 million pesos nga pondo nga ginahinyo sang City Health Office agud nga mapabaskog pa ang kampanya kontra Covid-19.

Suno kay Dr. Edwin Miraflor, OIC sang City Health Office, triple ang ginsaka sang ila ginaduso nga pondo bangud diri kuhaon ang pondo para sa ginaduso nga pre-emptive supply sang Covid-19 medicine, mga reserba nga supply sang medical oxygen kag iban pa nga mga kinahanglanon para sa anti-Covid-19 campaign sang siudad.

Ang kaundan sang proposed 2022 annual budget ang natalana talakayon sa virtual special session sang konseho sang siudad sa madason nga semana.

Leave a Reply

Your email address will not be published. Required fields are marked *

Secured By miniOrangeSecured By miniOrange