Pagatukoron sa sulod sang property sang The Upper East sang Megaworld ang pinakauna nga digital substation sa bug-os nga Negros Island Region, bilang kabahin man sang modernization effort sang Negros Electric and Power Corporation.
Miyerkules sang aga, ginpatigayon sang Negros Power ang ground breaking ceremony para sa 250 million pesos nga bag-o nga substation.
Ang ini nga substation ang magaserbe sa lima ka mga feeders sa siudad kag may ara ini sang 37.5 MVA capacity.
Paagi sa sini nga digital substation, ginapaabot nga mapa hagan-hagan ang pag brownout sa amo nga area kag mas mangin madasig ang pagresponde sang Negros Power sa mga concerns bangud sa availability sang real time data sa substation.
Ginsiling sang Presidente kag CEO sang Negros Power nga si Roel Castro, isa ka tuig kag tunga ang construction sang ini nga substation.
Iya man liwat nga ginpahayag nga ang rotational brownout ang tuga lamang sang kakulang sa suplay sang kuryente kag ini ang indi na nila control bilang distributor.
[sibwp_form id=1]