P5.35 million nga financial assistance para sa mga barangay nga magapasakop sa Masskara Streetdancing competition aprobado sang konseho.
Magabaton sang tig 200,000 pesos nga financial assistance ang 17 tanan ka mga barangay nga magapasakop sa MassKara StreetDance and Arena competition.
Suno kay MassKara Festival director Pinky Mirano Ocampo, isa ka milyon ka pesos ang grand prize sa mapili nga kampeon sa kompetisyon.
Kabahin sa mga barangay nga nagpasakop sa street dance kag arena competition ang barangay alangilan,Alijis, Estefania, Granada, Sum Ag, Singcang Airport, Tangub, Barangay 22, 7,34,26,31,27,14,12,35,kag 40.
Tig 150,000 pesos naman para sa 13 ka mga barangay nga magapaindis indis para sa Electric MassKara competition. Nalakip diri ang Barangay 5,32,39,20,1,17,3,29,6,16,4 kag 25.
300,000 pesos naman ang grand prize para sa Electric MassKara Float and Dance Off competition nga pagahiwaton halin sa The Upper East pakadto sa Bacolod City Government Center. Sa Paglaum Stadium naman hiwaton ang street dancing kag arena competition.