May 505 ka pumuluyo sa siudad sang Talisay ang tigayon naka avail sang tig 20 pesos kada kilo nga bugas.
Sa plaza sang Talisay nag baligya ang katapo sang FIACN-BRIS ukon ang Federation of Irrigators Association Central Negros-Bago River Irrigation System sang barato nga bugas.
Suno kay Pedro Limpangog ang presidente sang grupo 50 ka sako sa tig 50 kilos ang tigayon nila nga nabaligya upod ang probinsya sang Negros Occidental angut sa tuyo sang Marcos Administration sa pagtanyag sang barato nga bugas sa mga vulnerable sector.
Sang bulan sang Hunyo nag baligya na ang FIACN-BRIS sang barato man nga bugas sa banwa sang Pulupandan.
Suno kay Limpangog maga pakig angut pa sila sa Kapitolyo Probinsyal kun ano ang masunod nga LGU nga ila baligyaan.
