11.55 ka tonelada sang shipment sang dressed chicken nga nag abot Miyerkules sang aga sa Bredco Port gikan sa Panay ang ginpabalik sang probinsya.
Ang shipment naga balor sang 2.3 million pesos. Suno kay Dr Renante Decena ang provincial veterinarian ini kasunod sang pag patuman sang temporary total ban sa pagsulod sang live domestic kag wild birds kag mga produkto sini nga nagalakip sang poultry meat.
Sang Martes, suno kay Decena may yara man sang shipment sa puerto sang San Carlos City nga dressed chicken nga gin pabalik sa Cebu.
Nakig angut man ang probinsya sa mga game fowl handlers kag mga traders kag ginkasugtan ang temporary nga pag untat sang shipment sa probinsya.
Nagpakig angut man sila sa nagkalain lain nga ahensya agudto mapa untat man ang pag issue sang permit nalakip na ang certification para sa mga shipment padulong sa Negros Occidental.
May epekto man gid sa supply ang temporary nga total ban ilabi na nga apektado subong ang supply tuga sang bagyo Odette, suno kay Decena ini ang ila man nga paga tutukan sa matag-adlaw.
Importante nga mapangapinan ang poultry industry lakip na pumuluyo. Ang strain sang bird flu nga kaso sa Pampanga kag Bulacan ang ginakabig nga highly pathogenic ukon makamamatay suno kay Decena.