Sa Rizal Elementary School ginpatigayon ang fire simulation exercise sang katapo sang Police Station 1, Bacolod City Police Office kag Bureau of Fire Protection kaupod man ang Commission on Elections.
Ang fire simulation drill sa eskwelahan, sa isa sa mga polling center sa siudad ang kabahin sa mga pagpanghanda sang otoridad sa natalana nga may national kag local elections.
Suno kay Police Colonel Thomas Joseph Martir, city director sang Bacolod City Police Office, may pila pa ka mga PNP stations sa Bacolod City Police Office ang magapatigayon man sang simex nga iga-assess sang PNP regional office kabahin sang pagpanghanda para sa local campaign kag natalana nga adlaw sang piniliay.
Ang BCPO ang magatalana man sang 450 ka mga police sa 45 ka mga polling places sa siudad.
Panugyan naman ni Martir sa kapulisan nga magpabilin nga non-partisan kag ipasiguro ang matawhay kag malinong nga national kag local elections.