Duha ka separado nga buybust operation ang gin patigayon kaina sang kaagahon sa Bacolod kun sa diin masobra duha ka milyon ka pesos nga balor sang iligal nga droga ang na recover sang kapulisan.
Las 12:15 kaina ginpatigayon sang Special Operations Unit 6 upod sang PNP Drug Enforcement Group ang buybust operation sa Purok Villa Baradas sa Barangay Alijis kun sa diin, 1,394,000 pesos nga balor sang ginaptihan shabu ang nakuha.
Subject sang buybust amo ang 31 anyos nga si Ramon Vertudes. 23 tanan ka plastic sang shabu ang nakuha sa iya.
Pasado las 4 naman kaina sang kaagahon ang buybust operation sang Police Station 8 sa Purok Kahirup, Barangay Singcang-Airport.
Subject naman sang buybust amo ang 21 anyos nga si John Mark Melana. Nakuha sa iya ang 748,000 pesos nga balor sang ginapatihan shabu.
Pareho nga detained sa Police Station 8 ang mga suspek kag kaso nga pag lapas sa RA 9165 ang ila atubangon.