Narecover kaina sang kaagahon ang 2.1 milyones pesos nga balor sang suspected shabu sa buybust opeation sang PNP sa Rosario Heights Subdivision sa Barangay Taculing, Bacolod City.
Tatlo ka persona ang arestado lakip na ang subject nga si Jason Javelosa nga amo ang gina alegar sang pnp nga whole saler sang iligal nga droga.
Ginakabig man siya nga high value individual bangud na aresto na siya sadto may kaangtanan sa iligal nga droga.
Dakop man sanday John Vergel Orquia kag John Matthew Toleo nga suno sa pulis mga distributor ni Javelosa.
16 tanan ka sachet ang nakuha sa mga suspek. Kaso nga pag lapas sa RA9165 ang ipasaka batuk sa ila.