Tigayon nga naaresto kahapon sang kapulisan ang suspek sa pag pang luthang sang Miyerkules sang gab-i sa duha ka mga empleyado sang kalan-an sa Purok Progreso, Barangay Sum-ag sa Bacolod.
Sa balay sang iya himata sa Barangay 4 Poblacion sa siyudad sang Himamaylan nadakpan ang suspek nga si Rommel Castillo.
Suno sa hepe sang Police Station 9 nga si Major Junji Liba, nakuhaan pa sang isa ka 38 caliber revolver nga armas. Suno kay liba ginpanginwala ni Castillo ang pag pangluthang sa duha ka persona apang si liba nag siling nga positively identified siya sang mga witness.
Damlag pa gin pahayag ni Liba nga gin paukpan ni Castillo ang duha ka empleyado sang kalan-an sang wala niya maatubang ang tag iya sang kalan-an nga amo ang suno sa pulis nag bulig agud makapauli sa iya nga pamilya ang misis ni Castillo.
Kaso nga frustrated homicide ang ginpasaka subong nga adlaw sang Police Station 9 kag ang Himamaylan PNP naman ang maga paskaa sang kaso nga illegal possession of firearms batuk kay Castillo.