10,000 pesos nga SRI ukon service recognition incentive para sa mga government employees ang natalana nga iga-release sang probinsya.
Ini ang gin forward sa Sangguniang Panlalawigan sang gobernador para ma aprobahan kasunod sang pag authorize sang presidente sang release sini.
Ini ang kabahin na sa 65,000 pesos nga bonus sang mga regular kag casual nga empleyado sang Negros Occidental.
Samtang, gina paabot pa sang probinsya ang guidelines bahin sa pag release sang 3,000 pesos nga gratuity pay para sa mga job order kag contract of service workers. Napain na ang pondo para diri.
Kahapon gin-release ang food packs sa mga 1300 ka job order kag contract of service workers. Ini ang gikan kay Negros Occidental Governor Eugenio Jose Lacson kag indi gikan sa government funds suno kay provincial administrator Rayfrando Diaz.