Gin-upgrade ang oxygen plant sang probinsya nga yara sa Teresita Lopez Jalandoni Provincial Hospital compound sa silay city para mas mapataas ang production sini.
Ang mga dapat kalay-uhon ginpaidalom man sa repair. Suno kay Provincial Administrator, Rayfrando Diaz, target karon sang amo nga oxygen plant nga maka produce sang 1,540 tanks sa kada bulan.
Ang gina konsumo sang TLJPH, Cadiz District Hospital kag Valladolid District Hospital naga lab-ot sa 1,200 tanks, gani sa 1,540 suno kay Diaz may buffer pa nga 340 tanks.
Ang lihok ang ginpatuman bilang pag pangaman enkaso nga magsaka ang demand sa oxygen.
Sa karon suno kay Diaz may pagsaka na gid man kasunod sang pag gamit sang high flow oxygen machine sa mga pasyente nga may kabudlayan sa pag ginhawa kasubong sa mga nag positibo sa Covid–19.
Liwat nga naka operate ang oxygen plant sang pagsaylo sang operation sini sa Engineering Office.