Shadow

Outgoing Mayor Pedro Zayco nagpanawagan sa mga Kabankalanon nga suportahan ang bag-o nga alkalde sang siudad

Kabankalan City Mayor Pedro Zayco ang naga panawagan sang pagbuylog sang publiko sa maga bulos nga administrasyon.

Sa media interview ginpahayag ni Zayco nga updan kuntani sang mga pumuluyo ang maga pungko nga bag-o nga alkalde nga si Benjie Miranda para man sa kaayuhan sang siudad.

Padayon sa karon ang pagsapol sang transition committee kaupod ang mga department heads para sa turn-over sa Hunyo 30, para suno sa iya, mangin klaro na ang tanan.

Sa Zayco administration natigayon ang conversion sang Kabankalan sa isa ka siudad nga nangin alagyan sang dugang nga pagsanyog diri.

Ang Kabankalan suno kay Mayor Pedro ang nangin ika walo nga siudad sa Negros Occidental sang tion sang iya nga utod, Mayor Isidro Zayco.

Nag dala ini sang dugang nga mga proyekto nga naga lakip sang infrastructure projects kasubong sang pag semento sang mga dalanon, mga buildings kasubong sang ospital kag iban pa gid sang projects sa agriculture.

Nalutos ni Miranda si Zayco sang tinalikdan nga Mayo nga piniliay sa masobra sa 200 ka boto.

Secured By miniOrangeSecured By miniOrange