Shadow

15 anyos patay matapos ginbuno sa NGC grounds

22 anyos nga suspek sa pagpatay sa menor de edad sa BCGC nakapahibalo pa sa iya kaupdanan nga may nabuno na sila.

Buno sa likod ang naangkon Yeshua John Torres ,15 anyos nga nangin kabangdanan sang iya hinali nga kamatayon.

Indi ini mabaton sang iya iloy nga si Mercy Alvarez nga iya gin-lisensyahan nga makadto lang sa Bacolod City Government Center para magkaon sang ice cream.

Lipod sa iya ihibalo nga ginpulihan kag ginbuno si Yeshua sang isa sa mga grupo sang mga kalalakin-an sa BCGC pasado las siete kagab-i.

Ang ginatudlo suspek nga si Jarobel Datulayta nagapanginwala nga siya ang responsable sa pagpatay sa biktima.

Pero suno kay Police Lietenant Greeky Cayao,OIC sang Police Station 4, si Datulayta ang ginatudlo sang mga saksi kag sang 12 anyos nga kaupod sang biktima nga siya ang responsable sa krimen.

Nag gwa nga sang magtahaw na ang kinagamo, naka-text pa ang suspek sa iya mga kaupdanan agud magpahibalo nga may nabun-an na sila suno sa PNP.

Gin-ako ini sang suspek nga nagsiling nga ang iya mga mensahe ang tripping lamang.

Pasakaan siya sang kaso nga murder.

Samtang, nag-upod man reklamu sa Police Station 4 ang drayber sang jeep nga ginsakyan sang suspek kagab-i.

Natabuan nga naumid nga ginbuka sang akig nga mga kaupdanan sang biktima ang windshield sang iya ginamaneho nga jeep.

Tungod sang hitabo, magadugang naman sang security personnel ang PNP kag POSO agud mapabaskog pa ang pagbantay sa BCGC grounds.

Secured By miniOrange