
Isa ka 50 bed capacity hospital nga naga balor sang 270 million pesos ang paga tukuron sa siudad sang Cadiz.
Kahapon gin patigayon ang blessing, groundbreaking kag time capsule laying para sa Cadiz City Medical Center sa Brgy Tinampaan.
Suno kay Mayor Salvador Escalante, Jr., moderno ang amo nga 2 story facility nga may yara sang pharmacy, minor operating room kag sa palaabuton ang dialysis center.
Maga lawig sang 600 diyas ang contruction.
Tinutuyo sini nga mahatagan sang nagakaigo nga healthcare ang mga taga Cadiz.
May yara man matuod sang District Hospital sa Cadiz ugaling ini ang naga serbe sang mga naga kinahanglan man gikan sa norte nga bahin sang probinsya, rason nga kun kaisa nagaka ulihi suno kay Escalante ang mga taga Cadiz.
“Ang district hospital nangin referral hospital sa north Negros. So, bigla nagdamo pasyente namon da, that’s why ang healthcare program was originally designed nga may ara St. Anne Medical Center nga masalo sa mga patients. Now kay gin share sa bilog nga north Negros, naga ka atrasar pa kami refer sang amon pasyente because of the volume also of patients nga gina baton nga gina cater sang Cadiz Dristrict Hospital that’s why ang gin himo namon, nag patindog na lang gid kami”, suno kay Escalante.