Shadow

6 ka mga LGU sa NegOcc gin-upgrade sa yellow zone may angut sa ASF, Bacolod kag Escalante red zones sa gihapon

Anum ka mga LGU sa Negros Occidental ang na-upgrade sa yellow Zone ukon surveillance zone sa pinaka ulihi nga African Swine Fever Zoning Update nga ginpa gwa sang National ASF Prevention and Control Program.

Na upgrade sa yellow zone sandig sa gin pa gwa nga memorandum sang OIC-Director sang Bureau of Animal Industry nga si Diosamia Sevilla sadtong Enero 10 ang Candoni, Cauayan, Himamaylan City, Hinoba-an kag San Enrique.

Damlag pa na upgrade na sa yellow ang Sagay City. Ang Sipalay City naga pabilin nga light green ukon protected zone.

Nagapabilin sa red zone ang Bacolod City kag Escalante City ukon infected zone.

Paathag ni Dr Placeda Lemana, ang Provincial Veterinarian, tigayon na naka comply ang Escalante City sa mga requirements kag gina hulat na lamang nila nga mabalik ang dokumento sa ila.

Ang nabilin nga mga lugar sa probinsya yara sa pink zone ukon buffer zone.

Samtang sa Negros Oriental naman, 14 sa 25 ka mga LGU diri ang yara sa red zone ukon infected zone.

Duha ang na upgrade sa yellow zone kag ang nabilin nga mga LGU pink zone.

Ang anum naman ka mga banwa sang Siquijor ang dark green zone ukon ASF free zone.

Paathag ni Lemana ang sentinelling ukon ang pag sagod sang paon para mapat-od kun makapadayon na sa pag sagod sang baboy ang gina tugutan lamang sang DA sa mga pink zone.

 

Secured By miniOrangeSecured By miniOrange