Ikaw bala ang naga plano magpatukod sang imo balay, ukon maga patindog sang istruktura?
Ginahaylo sang grupo sang mga architects sa probinsya nga mas maayo nga magkuha sang professional help.
Naga padayon karon ang 13th Negros Building and Construction Exposition. Tubtob ini sa Marso 30 sa Ayala Malls Capitol Central.
Lakip naman diri ang selebrasyon sang 51st Founding Anniversary sang United Architects of the Philippines ukon UAP.
Suno kay Architect Julius Rasmo ang UAP Negrense Chapter president ginahaylo nila ang publiko nga mag avail sang serbisyo sang isa ka professional.
Una suno sa iya kay maga invest ka na man lang gid sa ipatukod nga balay ukon ano man nga infrastructure mas maayo nga na planuhan.
Ang iban naga likaw sang pag kuha sang professional help suno kay iya kay mas mahal.
Pero, paathag niya kun mag kuha sang architect malikawan ang balik-balik nga obra bangud sang error nga sa ulihi kun lantawon mas magasto pa bangud sang nausik nga resources.
Samtang, naga saulog man karon ang Bacolod, Cebu kag Iloilo UAP chapters sang ila nga 50th anniversary.
[sibwp_form id=1]