City administrator gina-review ang ordinansa antes i-reconsider ang paghatag sang fuel subsidy sa 863 ka mga na-disqualify nga tricycle driver applicants.
Wala makabaton sang tig P1,000 ang 863 ka mga tricycle drivers nga na disqualify bangud sang kakulang sang requirement para sa Fuel Subsidy Program.
Gani tuyo man ni City Administrator Lucille Gelvolea nga i-review anay ang mga pagsulundan sang natukod nga ordinansa antes pa man i-reconsider ang pag-release sang ayuda sa mga tricycle drivers.
Sa session sang konseho kahapon, nanawagan si Councilor Em Ang nga nag-author sang City Ordinane 1003 nga kuntani matagaan konsiderasyon ang mga tricycle drivers sang siudad nga nahalitan sang pandemya.
Sa record sang Business Permits and Licensing Office, sa 5000 ka mga tricycle drivers nga target nga mabuligan sang siudad, may kapin sa 2,000 pa lang ang may mga prangkisa.
Kadam-an sa ila ang nakabaton na sang ayuda.