One way traffic scheme sa mga inner roads sang dalan Lacson indi na ipatuman sang BTAO sa Disyembre.
Halin pa sang nagligad nga tuig sang ginsuguran sang Bacolod Traffic Authority Office ang pagpatuman sang one way traffic scheme sa mga alternate road sa Lacson Street.
Halin sa 27th- Lacson Street antes sang Mandalagan Bridge asta sa 12th street ginpatuman sang BTAO ang one-way scheme sa tuyo nga mapahagan-hagan ang pag guot sang mga salakyan.
Pero tuyo karon ni BTAO head Patrick Lacson nga kakason na ang pila ka mga one-way scheme sa mga alternate road.
Sa karon ginahikot na sang BTAO ang final traffic plan nga ipatuman sa nahauna nga semana sang Disyembre.
Natalana man nga ipatuman sang siudad ang bag-o nga route plan para sa lima ka dugang nga jeepney routes sa Disyembre 1.