Gin aprobahan na sang konseho ang pagpalawig sang Business One-stop shop para sa mga nagakuha sang business permit sa Ayala Malls Capitol Central tubtob Pebrero 15.
Ini ang nangin rekomendasyon ni Business Permits and Licensing Office head Stella Rayos sa natalana nga pagtakop sang BOSS sa Enero 20.
Sa karon may kapin sa 13 mil pa lang ang naka proseso sang ila mga permits para maka negosyo sa siudad.
Sang nagligad tuig, naglab-ot sa 25,393 ang naka pa rehistro sang ila negosyo.
Ang BPLO ang nagahatag man sang 10 percent discount sa business tax sa mga applicants nga maka-full payment antes sang Enero 20 nga deadline.