Shadow

On-campus vaccination gina duso para sa liwat nga pag balik sang face-to-face classes

Mga estudyante pati na mga maestra ang ginatagaan karon sang atensyon sang katapo sang Bacolod Emergency Operations Center sa pagpabaskog pa sang vaccination program.

Gani magluwas man sa pediatric vaccination sa mall, ginsugdan na sang EOC ang on-campus vaccination program agud nga mahanda man ang mga eskwelahan sa natalana nga pagbalik sang face to face classes sa Bacolod.

Ginahaylo man karon sang EOC pati ang mga manunudlo kag estudyante sa mga pampubliko nga eskwelahan nga magpabakuna.

Suno kay Dr. Chris Sorongon, deputy for medical data and analysis sang EOC, nalakip sa mga nakasugtan sa paghatag sang certificate of authority para sa mga eskwelahan nga makapatuman sang face to face classes amo nga dapat nakapabakuna ang mga estudyante nga magabalik sa eskwelahan kag pati na ang katapo sang ila panimalay.

Sa masunod nga inadlaw natalana ang on campus vaccination sang siudad sa La Consolacion College-Bacolod, St Johns Institute, Trinity Christian School kag University of St. La Salle.

Dugang nga shiete mil ka mga individual ang target nga mabakunahan pinaagi sa on campus vaccination.

Leave a Reply

Your email address will not be published. Required fields are marked *

Secured By miniOrangeSecured By miniOrange