Nag anunsyo na ang mga petroleum companies nga may saka nga sisensta sentimos sa kada litro sang diesel kag 40 sentimos naman sa kerosene kag may roll back naman nga diyes sentimos sa gasoline.
Pero antes sini, ginsiling na nga daan sang Department of Energy nga dapat wala man sang pagsaka sa presyo sang petroleum products sa mga lugar nga napaidalom sa state of calamity.
Huwebes sang nagligad nga semana sang ginpaidalom sa state of calamity ang Negros Occidental bangud sang epekto sang Bagyo nga Crising kag habagat pero sa announcements sang petroleum companies ang Jetti lang ang nag lakip sa Negros Occidental sa listahan sang mga probinsya nga nadala sa wala sang saka sa bili sang petroleum products.
