Ang Office of the Civil Defense Negros Island Region ang nagbisita sa site para sa gina propose nga P250 million nga taytay nga maga angut sang Barangay Montilla kag Macagahay sa Moises Padilla.
Naguba ang spillway nga naga angut sang duha ka barangay sang mag-igo sadtong Nobyembre ang Bagyo Tino.
Kabahin sa rehabilitation program ang gina hinyo sang banwa nga taytay. Kritikal ini sa pag sinalayo sang mga pumuluyo sa lugar.
Mismo si OCD NIR Director, Donato Sermeno, III, ang nag panguna sa site inspection nga ginpatigayon sadtong Mayo 13.
Ang on-site visit kabahin sang preliminary assessment para sa gina propose nga taytay.
Suno kay Mayor Ella-Garcia Yulo, mas maayo kun makapatukod sang permanente nga taytay.
Ang resulta sang pag pangusisa mangin kabahin sang technical documentation, nga amo naman ang kinahanglanon para sa validation sang project sang national government.
[sibwp_form id=1]