Maga request ang Office of the Civil Defense sang pag palupad sang drone sa palibot sang bulkan Kanlaon sa pag pasiguro nga wala sang artificial damming nga naga katabo.
Ginsiling ni OCD Negros Island Region Director, Donato Sermeno, III, nga sila ang maga request sang bulig para sa drone operation gikan sa provincial government kag maga pakig angut sa Mines and Geosciences Bureau.
Paathag ni Sermeno luyag nila nga mapasiguro nga wala sang artifical damming. Naga katabo ang artificial damming kun ang debris gikan ayhan sa landslide ukon volcanic debris man ang maga block ukon maga pugong sang pag-ilig sang tubig kun sa diin ang epekto amo ang pag tipon sang tubig.
Kun indi ini ma aksyonan maga tuga ini sang flash flood ukon pag daludo sang debris paidalom.
Padayon ang pag buga sang bulkan Kanlaon sa karon nga naga pabilin sa alert level 2. May mga pag tupa man sang ulan subong.
“Naga prepare kami sang pag palupad sang drone sa babaw (bulkan Kanlaon) kay basi may artificial damming bala. I check lang, i-verfy kun may ara. Kay basi mag similar sa Nepal nga incident. Sa Kanlaon Volcano area, lantawon naton. Nag-request kami sa provincial government for drone kag naga coordinate kita sa MGB kay sila na ang expert nga mag bulig verify”, suno kay Sermeno.
[sibwp_form id=1]