OPA photo
Sa bulan sang Disyembre gina paabot nga maga eksperiensya na sang drought ang bilog nga Negros Island Region.
May pag tupa pa man karon nga pag-ulan sa pila ka bahin sang Negros Occidental, suno kay Engr Marion Joseph Tagle ang chief sang Disaster Risk Reduction Management sang Deparment of Agriculture NIR, yara na karon ang Negros Occidental sa dry spell.
Ang dry spell naga tumod sa kondisyon kun sa diin tatlo na ka sunod-sunod nga bulan nga below sa normal ang rainfall ukon may 20 to 60 percent nga reduction sa naga tupa nga ulan.
Ang drought naman suno kay Tagle naga tumod sa masobra na sa 60 percent nga reduction sa naga tupa nga ulan.
Ang Negros Oriental suno kay Tagle sa monitoring subong pa lang may drougt na.
Sa datus sang DA-NIR ang kahalitan sa mga humayan nag dangat na sa P36.67 million, sa mga maisan naman yara sa P4.2 million. Kalabanan sa sining mga apektado nga talamnan mga rainfed ukon ang yadtong naga salig sa ulan.
P40.91 million ang kahalitan nga na-report sa 12 ka mga LGU sa Negros Occidental as of November 5 suno sa DA-NIR.
Damlag pa sa October 27 nga report sang Office of the Provincial Agriculturist nag dangat na sa P42.4 million ang kahalitan sang El Niño sa mga pananum sa Negros Occidental.
“Ang Negros Occidental dry spell kita this November. Then December up to March drought na kita. Red na sa mapa, makita ang part of Negros Occidental. Ang Oriental, actually this November drought na sila. Same man, December up to March 2027 it’s drought na gid sila. Ang Siquijor same man, the whole NIR,” suno kay Tagle.
[sibwp_form id=1]