Mentras nga delikado ang sitwasyon sa bulkan Kanlaon, mga evacuees indi anay tugutan nga makapauli.
Masobra na sa duha ka bulan nga sa evacuation centers naga tinir ang mga pumuluyo nga sakop ang puluy-an sang 6 kilometer danger zone sang bulkan Kanlaon.
Suno kay Raul Fernandez, Western Visayas Office of the Civil Defense Regional Director kag pamuno sang Task Force Kanlaon, bisan pa nga maglab-ot sa anum ka bulan kag kun naga pabilin sa gihapon nga delikado ang sitwayson sang bulkan, indi nila matugutan nga makapauli ang evacuees.
Kun personnel lang ang pagahambalan, preparado ang OCD pero nagapabilin nga nagasalig sa resources sang gobyerno naman ang galastuhon para sa pagbulig sa evacuees.
Ang tanan naga depende sa aktibidad sang Kanlaon kag ang ila lang man nga gina lantaw amo ang safety sang mga pumuluyo.
Pero para kay Fernandez nga dako nga bagay ang pagbisita ni President Ferdinand Marcos, Jr., sa mga evauees sa La Carlota bangud nagapakita lamang ini nga suportado niya ang gina himo sang mga ahensya sang gobyerno diri sa Negros.