Shadow

NPA nag-ako sa pagsunog sang P3.5M nga heavy equipment sa Himamaylan

Himamaylan PNP photo

NPA nag ako sa pag sunog sang 3.5 milyones pesos nga heavy equipment sa Himamaylan.

Gin ako sang rebelde nga New People’s Army ang pag sunog sang 3.5 milyones pesos nga balor sang backhoe nga amo ang gina usar sa road development project sa bahin sang Barangay Carabalan sa Himamaylan City.

Sandig sa statement sang NPA, ang road project ang magahatag lang benepisyo sa mga dalagko nga negosyante kag sa mga mining companies kag ini ang magahatag sang halit sa mga Indigenous People nga naga puyo sa kabukiran pati na sa palibot.

Dugang pa sang grupo, may mga kapitalista nga damlag pa luyag mag butang sang plantation kag dam sa lugar, pati na mga mining explorations pero ini ang gin balbagan sang Indigenous Peoples group.

Ang mga IPs kag iban pa nga mga residente sa palibot amo abi ang mahalitan suno sa NPA bangud sa madulaan ang mga ini sang puluy-an kasubong palangabuhian.

Ini ang kabangdanan nga ila gin sunog ang backhoe bilang pag pamalabag sa proyekto.

Leave a Reply

Your email address will not be published. Required fields are marked *

Secured By miniOrangeSecured By miniOrange