Shadow

Love Negros magasapol sa Sabado

Capitol photo

Sa Sabado natalana nga magsapol ang katapo sang Love Negros indi lamang para mag finalize sang line-up kundi pati na ang bahin sa pagkuha sang Certificate of Nomination and Acceptance gikan sa ila tagsa ka partido.

Sa amo man nga adlaw maga sapol ang United Negros Alliance ukon UNEGA pero ini ang mangin isa ka virtual nga meeting.

Suno kay Governor Eugenio Jose Lacson nga pamuno sang Love Negros, magasapol pa sila ni Vice Governor Jeffrey Ferrer sang UNEGA bahin sa ila filing sang Certificates of Candidacy. Wala pa sang petsa sa ila nga filing sang COC, kag dungan sila nga mga provincial candidates nga maga file sa amo nga adlaw pero sa lain-lain nga oras para wala sang pagdagsa sa talatapan sang Comelec suno sa gobernador.

Istoryahan man nila ni Ferrer suno sa iya ang mga lugar nga may yara sang pagsumpunganay sang kandidato sang Love negros kag UNEGA. Sa siudad sang Himamaylan, suno kay Lacson ila na ginhatagan sang ligwa si Board Member Tinto Bascon nga maghatag sang iya nga announcement angut sa iya nga desisyon nga magpapili bilang alkalde sa Himamaylan, lakip na diri ang iga appoint sini nga maga tal-os sa iya nga magpapili bilang board member sa 5th District.

Daku ang posibilidad nga mangin zona libre ang Himamaylan suno kay Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange