Gin-ako sang Armando Sumayang Jr. Command sang New People’s Army-Southwest Negros Guerilla Front nga sila ang nagpatay sa senior citizen caretaker sa Sitio Gabok, Purok 7 sa Barangay Basak, banwa sang Cauayan, Negros Occidental sadtong Lunes.
Sa statement sang NPA, ila gin-alegar nga si alias Billy, 69-anyos ang nag-upod sa tatlo ka iban pa nga persona sa pagpatay sa isa ka mangunguma sadto nga si alyas “Boboy sang bulan sang Hulyo.
Suno sa NPA, nagapagamit bilang goons sang isa ka persona si Billy kag nagapamahog sa mga mangunguma.
Tatlo ka mga armado ang nagbantay kag nagpatay sa biktima sa gwa sang ila gina-istaran sa Sitio Gabok.
Ginsiling ni Police Lt. Col. Norberto Barniso, hepe sang Cauayan PNP, positibo nga nakilala sang saksi ang duha sa tatlo ka mga suspek. Kaso nga murder ang ginahanda sang kapulisan nga ipasaka batok sa ila.
[sibwp_form id=1]