Hwebes ginpasaka sang Cauayan PNP ang kaso nga murder batuk sa lalaki nga nagpatay sa nobyo sang iya anay live-in partner sa Purok 4, Barangay Caliling sa banwa sang Cauayan, Negros Occidental.
Nagwa sa imbestigasyon sang PNP nga nagpondo ang biktima nga si alyas “Toto”, 34-anyos, upod ang iya nobya agud mag patughong sang gasolina, sang gulpi lang siya ginbuno sang suspek nga si alyas “Alner”, 40-anyos.
Nagtambag ang nobya agod makapalagyo ang iya nobyo, apang bangud sang madamo nga pilas, ginbawian sang kabuhi ang biktima.
Ginhaboy sang suspek ang kutsilyo kag nalagyo. Nagapabilin nga at large ang suspek.
Ginsiling ni Police Lt. Col. Norberto Barniso, hepe sang Cauayan PNP nga pagpangimon kag personal nga dumot ang motibo sa insidente bangud ang suspek live in partner sadto sang nobya sang biktima.
[sibwp_form id=1]