Dead on arrival sa ospital ang pasahero sang tricycle samtang pilason naman ang driver kag isa pa gid ka pasahero matapos sang pagbungguanay sa dalan Locsin, Barangay 5 sa syudad sang Silay, sini lang nga Lunes sang hapon.
Suno kay Police Lt. Grace Eran, Administrative officer sang Silay Police Station, imbulbado sa insidente ang duha ka tricycle, isa ka pick up truck kag isa ka SUV.
Gina usisa pa kun paano natabo ang karambola.
Ginabulong pa sa ospital ang duha ka mga nasamaran sa insidente.
Nagpanugyan naman ang kapulisan sa mga nagabiyahe nga maghinay-hinay lang sa pagmaneho sa dalanon para makalikaw sa bungguanay.