Ginpapauli ang mga estudyante, manunudlo kag personnel sang Negros Oriental State University sa Bais City matapos makabaton sang online threat ang eskwelahan. Gilayon nga ginkadtuan sang Bais City PNP ang eskwelahan para mag-usisa.
Suno sa pulis, ang pag-suspend sang klase ang isa ka tikang para indi ma expose ang mga estudyante kag personnel samtang ginapatigayon ang safety measures sa eskwelahan. Nakig angut ang PNP sa mga opisyal sang unibersidad kag nag deploy sang pulis sa school campus.
Wala man sang may nakita nga threat sa mga estudyante, manunudlo ukon personnel ang pulis.
Gina sulit sang PNP nga ang isa ka persona nga madakpan ukon makilal-an nga amo ang naga pamahog kag nangin kabangdanan sang pag-suspend sang klase ang sarang makasuhan kag ma preso.
Nangin sunod-sunod ang insidente sang pagpamahog sa mga eskwelahan sa Negros kag tanan diri ang napamatud-an nga indi man matuod.
[sibwp_form id=1]