Antes paman ipanghatag sa tagsa ka Barangay sa Bacolod City ang tag 200,000 pesos nga budget gikan sa Office of the President, pagatipunon anay ni Bacolod City Mayor Greg Gasataya ang mga punong barangay agud mapahibalo ang tanan nga guidelines sa pag gasto sang fund.
Ginapangabay ni Gasataya ang mga punong barangay nga pilion sang insakto ang mga makabenepisyo sa Presidential Scholarship Program nga inisyatibo sang talatapan ni Presidente Ferdinand Marcos, Jr.
Ini suno sa iya agud malikawan ang pila ka mga reklamo sa pila man ka Barangay sa Negros Occidental matapos nga mismo mga himata sang barangay officials ang nakasulod bilang scholars.
Sa idalum sang programa, makabaton sang 20,000 pesos ang lima ka mga Presidential Scholars sa kada barangay agud makabulig sa ila mga balayran sa eskwelahan.
Kinahanglan nga graduating ukon working student ang isa ka benepisyaryo sandig sa pagsulundan nga ginsaad sang Presidente.
Ginklaro man ni Gasataya nga ang mga kapitan mismo ang may kapasidad nga magpili sang mga iskolar kag indi ang siudad.
Kinahanglan man suno kay Gasataya nga ipagwa sang tagsa ka Barangay ang mga ngalan sang mga iskolar para sa transparency.
[sibwp_form id=1]