Gin-anunsyo sang Northern Negros Electric Cooperative ukon NONECO nga may yara sang P1.78 per kilowatt-hour nga buhin sa balayran sa kuryente nga ipatuman sini nga Mayo.
Gani halin sa P15.0705/kWh mangin P13.2898/kWh ang bayaran sang mga kunsomedor. Ang buhin sa balayran sa kuryente ang tuga sang pagnubo sang kuryente nga ginabakal sang NONECO sa Wholesale Electricity Spot Market ukon WESM. Dugang diri ang pagkambyo sang foreign exchange rates kag fuel cost sang power suppliers kasubong sang Palm Concepcion Power Corporation kag FDC-MPC suno sa management. Sa pihak sang pagnubo sang presyo sang kuryente, nagapangabay ang NONECO sa mga kunsomedor nga bantayan kag magkinot sa pag gamit sang supply sang kuryente agud mapahagan-hagan man ang bulanan nga balayran.