Pag porma sang Negros Island Region kasubong man ang plano sa pag tukod sang Panay-Guimaras-Negros Bridge ang mga gina lauman sang lokal nga opisyales sang probinsya nga matalakay ni Presidente Ferdinand Marcos Jr sa una nga State of the Nation Address sini.
Sa Hulyo 25 natalana mag deliver sang iya nga una nga SONA si Marcos. Damlag pa ginsiling na ni Finance Sec Benjamin Diokno nga ipatpat sang president sa SONA ang iya sini nga mangin economic game plan.
Suno kay Diokno igatalakay diri ang vision sang president sa pag pasanyog sang ekonomiya, pag reduce sang poverty kag ang papadulong sa upper middle income status sang pungsod.
Suno kay Governor Eugenio Jose Lacson, labing maayo ang mga napili sang president sa iya sini nga gabinete labi na ang iya nga economic team, pero gina paabot niya sa SONA ang pat-od nga mga plano kag tinutuyo kun paano ma revive ang ekonomiya.
Para sa probinsya gina paabot man ni Lacson kasubong man ni Vice Governor Jeffrey Ferrer ang pagtalakay sang madugay nan ga gina duso nga pagbalik sang NIR kag ang taytay nga maga angut sang isla sang Panay, Guimaras kag Negros.