Pasulod na kun tani sa iya nga talyer si Jose Eduardo Buot sang gintiro sang makapila ka beses sang wala makilal-an nga gunman sa Kamunsil Street sa Barangay Villamonte sa Bacolod City pasado las 6 sang kagab-i.
Si Buot ang naka dalagan pa pero bangud sang igo sang bala sa dughan kag likod napatay siya.
Suno sa hepe sang Bacolod Police Station 4 nga si Police Major Ritchee Gohee nagpalagyo ang suspek sakay sa awto.
Suno pa kay Gohee sa ila pakigsugilanon sa pamilya sang biktima, wala man siya naka muno nga may kontra siya ukon may naga pamahog sa iya. Wala man siya naga intra sa iligal nga droga.
Isa sa mga gina lantaw nga motibo sa pagpatay sa kay Buot amo nga may kaangtanan sa iya trabaho. Magluwas nga naga panag-iya sang talyer,naga trabaho man siya sa isa ka insurance company.
May nakuha nga 24 tanan ka mga empty shells sang 45 caliber pistol sa crime scene.
Siya ang ika 17 na nga biktima sang pagpaniro sa Bacolod humalin sang bulan sang Hunyo.