Gikan sila sa nagkalain lain nga mga banwa kag siudad sa Negros Occidental… Kag gikan sa nagkalain lain nga sektor pero may isa ka kandidato nga luyag suportahan para sa 2022 elections…Si anay senador Ferdinand Marcos Jr.
Suno sa kay Aurora Blanca, chairman sang Silent Majority BBM 2022 indi sila kilalahay pero pinaagi sa mga ginpang himo nga mga group chats, naka plano sila nga magpatigayon sang isa ka unity caravan.
Ini para man mapa bati ang ila nga tingug nga ila gina suportahan si Marcos Jr.
Ang caravan sa norte nag sugod sa Talisay City, kag sa Bago City kag Barangay Pahanocoy naman sa Bacolod ang sa sur.
Ginlibot nila ang mga mayor nga dalanon sa bacolod kag nagtabo ang gikan sa norte kag sa sur sa Reclamation Area sang Bacolod.
Suno kay Blanca mga masobra tres mil ka pa mga salakyan, motorsiklo kag mga bisikleta ang nag upod sa caravan.
Nagapati sila nga si Marcos Jr. Ang maga isa sang pungsod kun mangin presidente. Sa pihak sang mga isyu nga gina haboy batuk sa ila kandidato naga pati siya nga isa siya ka maayo nga tawo.
Mansig mansig man sila sa pagpahimo sang mga tarpaulin kag mga t shirts. Tanan, ila personal nga inisyatibo para magpakita sang ila suporta sa ila nga kandidato.
Sa Nobyembre 28, liwat sila nga maga balik sa dalanon para mag upod sa isa ka national na nga caravan para sa kay Marcos Jr.