City Agriculturist Atty. Goldwyn Nifras ang ginpaidalom sa 60-day preventive suspension angut gina alegar unauthorized nga pagpa arkila sang traktora sang siudad.
Nagalab-ot sa P4,500 ang gina alegar ginasukot nga renta sa katapo sang farmers organization agud ma usar ang traktora sang City Agriculture Office.
Suno kay City Legal Officer Atty. Romeo Carlos Ting Jr ang unauthorized rental fee ang rason nga ginpasakaan sang kaso nga grave misconduct si City Agriculturist Atty. Goldwyn Nifras.
Ginpanginwala naman ini ni Nifras nga nagpahayag nga libre nga ginapahulam ang traktora sa katapo sang Highly Urbanized City Agricultural and Fisheries Council sa Barangay Alangilan kag Cabug.
Dugang niya nga wala sang kwarta nga nagalab-ot sa iya bangud ang transaction para sa compensation sang operator kag driver sang traktora ang sa tunga lamang nila sang mga farmer organization.
Siya karon ang ginpaidalom sa 60-day preventive suspension.