Nangin maayo ang dalagan sa industriya sang kalamay sa una nga tuig sang Administrasyon ni Presidente Ferdinand Marcos, Jr. Ini para kay Negros Occidental Governor Eugenio Jose Lacson, apesar sang sugar importation nga gin approve kag sa pag kwestion sa amo nga lihok.
Paathag sang gobernador wala siya naga hatag sang rating sa Presidente kag sa State of the Nation Address sini, pero sa masami iya nga basehan ang estado sang sugar industry.
Nagalaum siya nga nga mangin tayuyon ang presyo sang kalamay nga yara sa 3,000 pesos per LKG.
Bahin naman sa infrastructure projects wala man naulihi ang Bacolod City kag Negros Occidental.
Kun Bacolod City lamang ang mangin basehan, tuman ang road construction and repair projects nga gina patuman.
Tuyo kuntani sang gobernador nga mag tambong man sa SONA sang presidente ugaling, dala sang malain nga panahon iya ginpaiway ang mag biyahe.
Gina paabot nga mangin super typhoon karon sa gab-i si Bagyo Egay.