May apat sa karon ka mga ngalan nga naga gwa para speakership sa House of Representatives.
Isa na diri ang ngalan ni Bacolod Mayor kag karon Congressman-Elect Alfredo Abelardo Albee Benitez.
Ang iban nga mga ngalan nga naga float para sa speakership nagalakip sanday Ilocos Norte 2nd District Representative Angelo Marcos Barba kag Navotas Representative Tobias Tiangco nga nagsiling nga bukas man siya sa amo nga ideya kun may mga congressmen nga maga endorso sa iya.
Sa tunga sang sini nga mga naga gwa nga istorya may mga katapo sang majority coalition nga nag siling nga sila sa gihapon ang maga suporta kay Speaker of the House, Martin Romualdez.
Tubtob sa karon wala pa sang pahayag angut sini nga napa gwa si Congressman-Elect Benitez.
Para kay Negros Occidental Governor Eugenio Jose Lacson, kun matigayon gid man ang pag pungko sa amo nga position sang isa ka gikan sa Negros isa ka labing maayo nga bagay.
Naga laum siya nga matabo ini kag naga pati man si Lacson nga wala sang Negrense nga maga pamatuk sini.
Pero ini ang balantayan sa liwat naman nga pag bukas sang bag-o nga kongreso.