Subong ang una nga adlaw sang pagpaidalom sa Bacolod sa alert level 1 ukon ang gina kabig nga new normal.
Wala na ang mga X-mark kag mga acrylic ukon plastic barrier sa mga banko kag lamesa sang ini nga coffee shop sa Lopues East Center sa Bacolod.
Pero ginlimitahan sang tagdumalahan sang kapihan ang mga banko agud mapasiguro ang physical distancing sa idalom sang alert level 1.
May alcohol man nga on-standby para sa mga costumer.
Sandig sa executive order ni Mayor Evelio Leonardia, pwede na 80 percent venue ukon seating capacity para sa outdoor establishment kag 60 percent kun indoor venue.
Dapat fully vaccinated lamang ang pwede kag ang mga 18 years old below lang sa mga unvaccinted.
Pero bisan pa ginhalugan na ang mga pagsulundan, may mga kalan-an sa gihapon nga limitado ang dine-in service agud nga may mapasiguro ang strikto nga pagpatuman sang minimum health protocol.
Ang mga jeep halos punuan naman ang pasahero.
Pwede naman ang full seating capacity bisan sa mga tricycle kun basehan ang Inter Agency Task Force resolution para sa transport sector.
Ang problema maiwat lang ang pasahero kag padayon ang pagsaka sang presyo sang produkto petrolyo amo nga ginpili sang pila ka mga driver nga mag standby sa kilid sang dalan tubtob may magsakay nga pasahero.
Ginkakas naman ang liqour ban kag gin adjust na ang curfew nga magasugod las dose sang gab-i tubtob las kwatro sang kaagahon.
Ginakinahanglan gihapon ang vaccination card para sa mga inbound passengers kag pwede ang rapid antigen test para sa unvaccinated ukon partially vaccinated travelers nga pasulod sa Bacolod.