Shadow

Nellas: Preliminary Investigation ginpatigayon sa ginareklamo nga 3 ka duktor kag 2 ka staff  sang mga ospital sa probinsya

Padayon ang preliminary investigation sang Provincial Legal Office sa tatlo ka mga duktor kag duha ka mga staff nga ginreklamo sang mga pasyente.

Suno kay Provincial Legal Officer, Alberto Nellas, Jr., sa ospital sa Isabela, duha ka mga duktor ang ginreklamo paagi sa talatapan sang Department of Health bangud sang behavioral issue sa pasyente.

Sa ospital naman sa La Carlota, duha ka staff ang ginreklamo bangud sang gina alegar irregular transaction sa bulong, kag nalakip diri ang isa ka duktor bangud sang gina lantaw command responsibility.

Suno kay Atty Nellas natipon na nila ang ebidensiya gikan sa magtimbang nga bahin. Ang ila nga rekomendasyon ang iga forward sa Investigation Committee for Public Health Workers nga gina pamunuan sang Provincial Health Officer.

Gina tapuan ini sang tiglawas man sang mga duktor kag immediate supervisor sang ginareklamo.

Secured By miniOrange