Ang Negros Trench sarang maka generate sang daku nga linog. Suno sa Philippine Institute of Volcanolgy and Seismology 8.2 magnitude nga linog ang pwede ma-generate sang Negros Trench kag ini ang maka patay-og sa bilog nga isla sang Negros.
Ini suno kay PHIVOLCS Director Teresito Bacolcol sa press conference nga ginpatigayon angut sa pag bukas sang Handa Pilipinas sa Bagong Pilipinas: Innovations in Climate and Disaster Resilience Nationwide Exposition 2025 Visayas Leg diri sa Bacolod.
Nakatutok man sa ginasiling nga the Big One ukon ang gina tumod nga linog nga matuga sang West Valley Fault kag maga apekto sa Metro Manila, pero dapat man matutukan ang nagkalain-lain nga mga lugar sa pungsod bangud may yara sang nagkalain-lain nga mga sitwasyon sa kada lugar. Ini ang dapat man nga mahandaan paagi sa ihibalo kag teknolohiya nga dala sang siyensya lakip na mga drills. Paathag ni Bacolcol ang 8.2 magnitude nga linog gikan sa Negros Trench nga manabaw indi lamang maka patay-og sa isla sang Negros, pwede man ini maka tuga sang tsunami, kag maka apekto sang western coastline sang Negros kasubong man maga apekto sa isla sang Panay bisan pa sang Palawan kag Zamboanga.
Keynote Speaker si Sec Renato Solidum, Jr. sang Department of Science and Technology. Iya ginsiling nga ang mga nagluntad nga linog naga highligt sang kakinahanglanon sang pag patuman sang estrikto nga enforcement sang National Building Code. Indi ang linog ang nagtuga sang pag kamatay sang mga na apektuhan kundi ang pigaw nga pagtukod sang mga balay kag iban pa nga infrastructure.*