Geo-resistivity kag Ground Penetrating Radar Survey angut sa nagluntad nga landslide sakop sang Camp Valdez sa Barangay Mambaroto sa Sipalay City ang ginpatigayon na.
Ginpamunuan mismo sang Mines and Geosciences Bureau ang amo nga survey sa tuyo nga ma assess ang subsurface condition sang lugar.
Paagi sa sini nga mga survey ma-identify ang potential ground instability nga sa palaabuton mahimo maka tuga sang landslide.
Suno sa CDRRMO Sipalay nga nag upod man sa pag patigayon sang amo nga survey, ang datus nga matipon ang maga pat-od sang soil characteristics kag maka detect sang posible underground anomalies.
Ini man ang maga serbe nga guide sa pag patuman sang naga kaigo nga tikang lakip na ang safety measures para mapangapinan ang apektado nga komunidad.
Sang nag ligad nga semana namutikan ang mga cracks sa bahin sang bukid sakop sang Camp Valdez lakip na ang pag usmod sang duta.
Upod man nga nag bulig sa pag patuman sang survey ang
City Engineering Office (CEO), Environment and Natural Resources Office (ENRO), Bureau of Fire Protection (BFP), Philippine National Police (PNP), kag ang Barangay Council sang Brgy. Mambaroto.*