Nagpa-andam ang Negros Electric and Power Corporation sa publiko nga likawan ang pag share sang mga post sang isa ka peke nga account nga nagagamit sang ngalan sang Negros Power bangud sala ang ginahatag sini nga impormasyon.
Base sa isa ka official post sang Negros Power, isa lamang ka Facebook page ang ila gina-usar kag may ara ini sang masobra sa 230,000 ka mga followers, magluwas sini, wala na sang iban pa nga account nga ginagamit ang NEPC.
Ini kasunod sang paglapta sang post sang isa ka Facebook account nga may ngalan man nga “Negros Power” nga posible may ara sang energy lockdown nga matabo sa pungsod bangud sa padayon nga pagtimbook sang presyo sang gatong kag kakulang sa suplay sini.
Panawagan sang NEPC sa publiko nga i-monitor lamang ang ila official Facebook page para sa mga eksakto nga impormasyon. Pagklaro man sini nga wala sang rotational brownouts nga pagatigayonon ang NEPC sa karon.
Likawan man ang paghatag sang mga personal nga mga impormasyon sa mga pages ukon accounts sa Facebook nga nagagamit sang pangalan nga Negros Power.
Ginsiling naman sang Deputy Speaker sang House of Representatives nga si Bacolod City Lone District Representative Alfredo Abelardo Benitez nga wala sang energy lockdown nga matabo sa pungsod.*
[sibwp_form id=1]