Matapos sang isa ka bulan nga pag paidalom sa Negros Oriental sa alert level 4, sumugod kahapon, gin papanaog na sa alert level 2 ang probinsya.
Padayon man sa karon ang pag panaog sang kaso sang Covid-19 sa Negros Oriental. Sa latest nga datus sang Negros Oriental, nag record sang 918 new recoveries ang probisnya kag 401 ka bag-o nga kaso.
Yara na lang karon sa 1,781 ang active cases sa Negros Oriental.
Samtang, ang Negros Occidental kag Bacolod City ang padayon man sa pag nubo ang kaso.
27 lang ka kaso ang nadugang kahapon sa Negros Occidental nga karon may 2,723 active cases na lang.
Ang Bacolod City, walo lang ang nadugang kahapon kag yara naman lang karon sa 744 ang active cases sa siyudad.