Shadow

Contact sports wala pa gina recommend sang EOC

May 33 na ka mga barangay sa Bacolod ang wala sang Covid-19 cases sandig sa data sang Emergency Operations Center.

Makabig na ini nga mga barangay nga low risk para kay Dr. Chris Sorongon ang deputy for medical data and analysis sang EOC.

Pero iya ginpahayag nga dapat maghagan-hagan gihapon ang tanan bisan pa ginpahalugan na ang mga restrictions sa idalom sang alert level 2 status sang siudad.

Amo nga wala man anay gina-recommend ang mga contact sports kasubong sang basketball, volleyball kag iban pa.

Ginadumilian man ang pag-operate sang bulangan, casino kag mga betting stations.

Limitado man ang mga indoor kag outdoor activities kag nagakadapat nga bakunado ang mga nagatambong sa mga events kasuong sang kasal, bunyag kag iban pa nga pagtililipon.

Nagpangabay man ang katapo sang EOC nga kuntani indi pag-abusuhon ang pagpahalog sang restrictions kasubong na lamang ang pagpahanugot sang mga menor de edad nga makasulod sa mall agud man malikawan ang posible liwat nga pagsaka sang Covid-19 cases sa siudad.

Leave a Reply

Your email address will not be published. Required fields are marked *

Secured By miniOrangeSecured By miniOrange